چینی صوبہ ہنان میں بارشوں اور سیلاب سے تباہی ، 2 لاکھ 25ہزار افراد متاثر

بیجنگ(صباح نیوز)چینی صوبہ ہنان میں تیز بارشوں اور سیلاب نے نظام زندگی درہم برہم کردیا ۔ لاکھوں افراد متاثر ہوئے ۔ چین کا وسطی صوبہ ہنان ان دنوں شدید بارشوں اورسیلاب کی لپیٹ میں ہے ۔ نو کانٹیز میں دو لاکھ پچیس ہزار افراد بارش سے متاثر ہوئے ۔ سڑکیں پانی میں ڈوبنے کی وجہ سے ٹریفک کا نظام معطل ہو کر رہ گیا ۔ ہزاروں افراد تک بجلی کی سپلائی منقطع ہوگئی ۔ ریسکیو اہلکاروں نے بیالیس ہزار پانچ سو افراد کو محفوظ مقام پر منتقل کیا ۔ ادھر محکمہ موسمیات نے بارشوں کا سلسلہ مزید دو دن تک جاری رہنے کی پیش گوئی کی ہے ۔