لاہور(سپورٹس رپورٹر) ایس این جی پی ایل پاکستان انٹرنیشنل سکواش چیمپئن شپ (سرکٹ ٹو) مین اور ویمن کا مین راﺅنڈ پنجاب سکواش کمپلیکس میں شروع ہوگیا اور پہلے روز ہی بڑا اپ سیٹ ہوگیا جب دس سیڈ کاشف آصف نے پاکستان نمبر ٹو فیورٹ اسرار احمد کو دلچسپ مقابلے کے بعد 11/8, 9/11, 11/9, 3/11, 11/6 سے ہرا دیا، اسرار احمد اس ٹورنامنٹ میں آٹھویں
سیڈ جبکہ کاشف آصف وائلڈ کارڈ پر مین ڈرا میں پہنچے تھے، ادھر دانش اطلس بھی شکست کھا کر ٹورنامنٹ سے باہر ہوگئے۔ تفصیلات کے مطابق ایس این جی پی ایل انٹرنیشنل سکواش ٹورنامنٹ کے پہلے راﺅنڈ میں بوائز کے آٹھ جبکہ گرلز کے ساتھ میچ کھیلے گئے ۔ جیتنے والے کھلاڑیوں نے کوارٹرفائنلز کیلئے کوالیفائی کیا۔بوائز مین راﺅنڈ کے پہلے میچ میں فرحان محبوب نے بلال ذاکر کو، فرحان زمان نے ظاہر شاہ کو، طیب اسلم نے خواجہ عادل مقبول کو، عاصم خان نے وقار محبوب کو، سید اذلان امجد نے عمیر زمان کو، عماد فرید نے علی بخاری کو، ٹورنامنٹ کے سیکنڈ سیڈ احسن ایاز نے ان سیڈڈ دانش اطلس کو ہرا کر کوارٹرفائنلز کیلئے کوالیفائی کرلیا۔
ویمن ایونٹ کے پہلے میچ میں مدینہ ظفر نے نور العین اعجاز کو، صائمہ شوکت نے آمنہ فیاض کو، نور الہدٰی نے ایمن شہباز کو، فائزہ ظفر نے کومل خان کو، زہاب خان نے صبغہ ارشد کو، زویا خالد نے مقدسہ جاوید کو، ان سیڈڈ رفعت خان نے ٹورنامنٹ میں سیکنڈ سیڈ انعم مصطفی کو ہرا کر کوارٹر فائنلز کیلئے کوالیفائی کیا۔ آج بروز28 جون جمعرات کو تمام کوارٹرفائنلز ہوں گے۔
