اسلام آباد(آئی این پی)پاکستان تائیکوانڈو فیڈریشن نے ایشین گیمز کیلئے8رکنی قومی ٹیم کا اعلان کر دیا۔ پاکستان تائیکوانڈو فیڈریشن کے صدر وسیم احمد جنجوعہ کے مطابق ایونٹ کیلئے7کھلاڑیوں اور ایک آفیشل کا انتحاب کیا ہے۔ کھلاڑیوں میں 4 مرد اور 3 خواتین کھلاڑی شامل ہیں۔ مرد کھلاڑیوں میں ہارون خان، شاہ زیب خان، محمد اقبال اور اعجاز احمد شامل ہیں جبکہ خواتین کھلاڑیوں میں نمرہ واسک، انیلا احمد اور سعیدہ شہزادی سدرہ بتول شامل ہیں۔ ایونٹ کی تیاری کیلئے قومی کھلاڑیوں کا تربیتی کیمپ پاکستان سپورٹس کمپلیکس اسلام آباد میں جاری ہے۔کیمپ میں انہیں جدید اور اعلی معیار کی تربیت دی جا رہی ہے۔ ایشین گیمز 18 اگست سے 2 ستمبر تک انڈونیشیا کے شہر جکارتہ میں کھیلے جائینگے ۔