اداکارہ میرا کا ٹیکس ایمنسٹی سکیم میں اثاثے ظاہر کرنے سے انکار

لاہور (این این آئی) اداکارہ میرا نے وزیراعظم کی طرف سے پیشکش کی گئی ٹیکس ایمنسٹی سکیم میں اپنے خفیہ اثاثے ظاہر کرنے سے انکار کر دیا۔میڈیا رپورٹ کے مطابق ایک تقریب میں اداکارہ کا کہنا تھا کہ سب سے پہلے شوبز میں کالا دھن رکھنے والوں کا حساب لیا جائے جس کے بعد میں بھی اپنے اثاثے ظاہر کر دوں گی۔ کیا شوبز میں اتنی زیادہ آمدنی ہے، لوگ راتوں رات امیر بن جاتے ہیں۔میرا نے کہا کہ میں نے انڈسٹری کو کئی سال دیئے ہیں اور طویل محنت کے بعد میں یہاں تک پہنچی ہوں۔ اس کے باوجود سب سے پہلے سوال مجھ سے کیا جاتا ہے ۔