کراچی (اسپورٹس رپورٹر) اورنگی ملت فٹبال کلب اورنگی کے زیراہتمام جرمن اسکول گرائونڈ اورنگی میں جاری آل کراچی منیر احمد وارثی میموریل فٹبال ٹورنامنٹ میں سہیون شاہ فٹبال کلب نے الشہباز کورنگی ایف سی کو2-1 سے شکست دیدی۔ جرمن اسکول گرائونڈ اورنگی میں جاری آل کراچی13واں منیر احمد وارثی میموریل فٹبال ٹورنامنٹ سہیون شاہ فٹبال کلب نے الشہباز کورنگی ایف سی کو2-1 سے ہرانے میں کامیاب رہی۔ پہلے ہاف میں دونوں ٹیموں نے ایک دوسرے کے گول پر بھرپور حملے کئے ، لیکن گول بنانے میں کامیابی نہیں مل سکی، کھیل کے17 ویں منٹ میں ناکام سائیڈ الشہباز کورنگی ایف سی کی طرف سے ممنان نے گول کرکے اپنی ٹیم کو میچ میں 1-0کی سبقت دلوادی ،ایک گول کے خسارے میں جانے والی سہیون شاہ کی جانب سے صدام بروہی نے27 ویں منٹ میں گول بناکر مقابلہ ایک ایک گول سے برابر کردیا۔ پہلے ہاف کے اختتام پر مقابلہ ایک ایک گول سے برابر رہا۔ کھیل کے دوسرے ہاف میں بھی دونوں ٹیموں نے ایک دوسرے کے گول پر تابڑ توڑ حملے کئے لیکن فاروڈز کی غلطی نشانہ بازی کی وجہ سے گول اسکور کرنے میں کامیابی نہیں مل سکی۔ کھیل کے اختتامی لمحات میں سہیون شاہ کی جانب سے 59ویں منٹ میں مزمل یعقوب نے گول کرکے اپنی ٹیم کو میچ میں2-1 سے سرخرو کردیا۔۔ میچ کے ریفری حفیظ، ڈپٹی ریفریز نظام، ذاکر، میچ کمشنر ذاکر خان، میڈیا کوآرڈینیٹر محمد سلیم سماء تھے۔