بیجنگ (شِنہوا) کمیونسٹ پارٹی آف چائنہ (سی پی سی)کی مرکزی کمیٹی کے جنرل سیکرٹری شی جن پھنگ منگل کی صبح عظیم عوامی ہال میں منعقدہ ایک تقریب میں پارٹی کے نمایاں ارکان کویکم جولائی کے میڈل پیش کریں گے۔چینی صدر اور مرکزی فوجی کمیشن کے چیئرمین شی تقریب سے ایک اہم خطاب بھی کریں گے۔ کمیونسٹ پارٹی آف چائنہ کی مرکزی کمیٹی کی جانب سے قائم کیا جا نے والا  یکم جولائی کا میڈل پارٹی میں سب سے بڑا اعزاز ہے۔اس میڈل میں سرخ ، سنہرے اور سفید مرکزی رنگوں کے ساتھ پارٹی کی علامت اور پانچ ستاروں جیسے اہم عناصر کا انتخاب کیا گیا ہے۔منگل کو منعقد ہونے والی یہ تقریب چائنہ میڈیا گروپ اور شہنوا  ڈاٹ نیٹ پر براہ راست نشر کی جائے گی۔ پیپلز ڈیلی ، شِنہوا خبر رساں ادارے اور چائنہ سینٹرل ٹیلی ویڑن کے زیر انتظام نیوز ایپس پر بھی دوبارہ نشر کیا جائے گا۔