اداکارہ خورشید شاہد  95 سال کی عمر میں انتقال کر گئیں  

لاہور (نوائے وقت رپورٹ) اداکارہ بیگم خورشید شاہد 95 سال کی عمر میں انتقال کر گئیں۔ اداکارہ نے 9 سال کی عمر میں فنی کیرئیر کا آغاز کیا۔ آل انڈیا ریڈیو پر بطور مغنیہ پرفارم کرتی رہیں بعدازاں ٹیلی ویژن کا رخ کیا۔ ماضی کے مقبول ڈراموں ’’فہمیدہ کی کہانی استانی راحت کی زبانی‘‘ کے علاوہ ’’کرن کہانی‘‘ ، ’’زیر زبر پیش‘‘ ، ’’انکل عرفی ‘‘ ، ’’پرچیاں ‘‘، ’’دھند‘‘ سمیت دیگر میں اداکاری کے جوہر دکھائے۔ انہوں نے سلور سکرین پر بھی کام کیا ، جن م یں ’’چنگاری‘‘ اور ’’بھولا ساجن‘‘ نامی فلمیں شامل ہیں۔ حکومت پاکستان کی جانب سے انہیں 1995ء میں تمغہ حسن کارکردگی سے نوازا گیا ، معروف اداکار سلمان شاہد ان کے فرزند ہیں۔