ملتان (سپیشل رپورٹر)راجپوت ویلفیئر سوسائٹی ملتان کے زیر اہتمام ڈاکٹر راشد قمر کے ساہیوال میڈیکل کالج کے پرنسپل کا چارج سنبھالنے، ڈاکٹر راشد ارشاد راؤ کی بیسویں گریڈ میں ترقی اور رانا اسلم انجم کے گورنمنٹ مسلم ہائی سکول کے پرنسپل کا چارج سنبھالنے پر انکے اعزاز میں استقبالیہ تقریب کا اہتمام کیا گیا. تقریب سے خطاب کرتے ہوئے ڈاکٹر راشد قمر نے کہا کہ انسانیت کی خدمت ہی قوموں کی ترقی کا زینہ ثابت ہوتی ہے،. راجپوت برادری کو یہ فخر حاصل ہے کہ اس نے ہر شعبہ زندگی میں انسانیت کی خدمت کے زریعے ملکی ترقی میں اہم کردار ادا کیا ہے. ڈاکٹر راشد ارشاد راؤ اور رانا اسلم انجم راجپوت ویلفیئر سوسائٹی کے صدر رانا محمد طفیل اور سیکرٹری جنرل راؤ عمر فاروق نے کہا کہ جدید دور کے تقاضوں کو اپنائے بغیر ملکی ترقی کا حصہ نہیں بنا جا سکتا. راجپوت ویلفیئر سوسائٹی اسی مقصد کے حصول کیلئے سرگرم ہے.