راولپنڈی(اپنے سٹاف رپورٹر سے)اڈیالہ کے علاقے میں کنوئیں میں دم گھٹنے سے تین افراد جاں بحق ہوگئے دو افراد زندہ نکال لئے گئے اس المناک واقعہ پر علاقے میں کہرام مچ گیا۔ پولیس نے بتایا کہ کنوئیں میں گیس سے پانچ افراد بیہوش ہوگئے جنہیں نکالنے کے لئے ریسکیو1122 کی ٹیمیں جائے وقوعہ پہنچ گئیں۔ ریسکیو 1122 کی ٹیم نے کنویں سے نکالے گئے تین افراد کے جاں بحق ہونے کی تفصیل جاری کیں جبکہ دو افراد بیہوشی کی حالت میں نکالے گئے۔ ریسکیو1122 نے بتایا کہ یہ واقعہ ٹھٹھہ کتھریپر نکڑالی روڈ اڈیالہ میں پیش آیا ریسکیو اہلکاروں نے موقع پر پہنچ کرامدادی آپریشن کیا۔