ایف سکس فور میں گھر سے اے سی کارپٹ کراکری برتن کمبل سمیت دیگر سامان ،مختلف علاقوں سے 2گاڑیاں،12موٹر سائیکل چوری،مقدمات درج

اسلام آباد(اپنے سٹاف رپورٹر سے)وفاقی دارالحکومت میں ڈاکوؤں اور چوروں نے شہریوں کو 2گاڑیوں 12موٹر سائیکلوں سمیت قیمتی اشیا سے محروم کر دیا، تھانہ کوہسار کو شازیہ بیگم نے بتایا کہ ایف سکس فور میں نامعلوم چوروں نے گھر سے اے سی کارپٹ کراکری برتن کمبل سمیت دیگر سامان چوری کرلیا، تھانہ ترنول کو زرولی نے بتایا کہ چوہدری محلہ میں نامعلوم موٹر سائیکل سواروں نے موبائل فون 14ہزار700روپے اور اصل پاسپورٹ چھین لیا،تھانہ لوہی بھیر کو عدیل سلیم نے بتایا کہ پی ڈبلیوڈی میں نامعلوم افراد نے دوکان سے 3لاکھ روپے، موبائل فون اور بیٹریاں چوری کرلیں،تھانہ کورال کو عرفان حیدر نے بتایا کہ غوری ٹاؤن میں نامعلوم چوروں نے سونا گھڑیاں موبائل فون اور 70ہزار روپے چوری کرلئے، تھانہ سبزی منڈی کو ظہیر اصغر نے بتایا کہ سبزی منڈی میں نامعلوم افراد نے موبائل فون کارڈز موٹر سائیکل کی اصل کاپی چھین لی، تھانہ ترنول کو بشارت علی نے بتایا کہ نامعلوم چوروں نے گھر سے اسلحہ لائسنسی اور 2لاکھ روپے چوری کرلئے، جی نائن تھری سے انیس الرحمان کی گاڑی، جی الیون تھری میں محمد علی کی گاڑی، تھانہ نون کے علاقے سے خاور کا موٹر سائیکل، بلیو ایریا سے محمد وقار کا موٹر سائیکل،سنگ جانی سے عادل محمد کا موٹر سائیکل ، ترنول کے علاقے سے محمد فیاض کاموٹر سائیکل،نہ گولڑہ کے علاقے سے میر ولی کا ، تھانہ گولڑہ کے علاقے سے طلحہ ملک کا موٹر سائیکل،  ایچ الیون مرکز سے اویس خان کا موٹر سائیکل، جی نائن مرکز سے سہیل بلال کا موٹر سائیکل، تھانہ سہالہ کے علاقے سے محمد شہروز خان کا موٹرسائیکل، تھانہ سہالہ کے علاقے سے عباس کا موٹرسائیکل، سنگم ٹاؤن سے مبین علی کا موٹر سائیکل ، آئی ٹین تھری سے خالدسلیم کا موٹر سائیکل چوری ہو گیا۔