محسن وال ریلوے پھاٹک کے نزدیک اونٹوں کی منڈی سج گئی

میاں چنوں (نمائندہ نوائیوقت) میاں چنوں کینواحی علاقہ محسن وال ریلوے پھاٹک کے نزدیک اونٹوں کی منڈی سجا دی گئی منڈی میں آئے خریدار اونٹوں کی قیمتیں سن کر پریشان جبکہ بیوپاریوں نے قیمتیں بڑھنے کی ذمہ دار گائے میں لمپی سکن وائرس اور حکومت پر ڈال دی۔ شہریوں میں ڈاکٹر سہیل حمزہ، محمد انس،شہیر احمد، محمد ارشد کا کہنا تھاگزشتہ سال کی نسبت اونٹ اس سال دوگناہ زیادہ مہنگے ہیں جو اونٹ پسند آتا ہے اس کی قیمت اتنی  زیادہ ہے کہ جیب اجازت نہیں دیتی منڈی میں دیکھ رہے ہیں انشاء اللہ سنت ابراہیمی کی ادائیگی کیلئے اونٹ ضرور خریدیں گے۔ دوسری جانب بیوپاری قربان علی، نور محمد، اللہ رکھاکا کہنا تھا کہ گزشتہ سال کی نسبت اس سال ہر چیز مہنگی ہوئی ہے ۔