سندھ کے غیور سپوتوں نے عمران خان کے جعلی بیانیہ کو ٹھکرا دیا : نیئر بخاری

اسلام آباد (نمائندہ خصوصی)پاکستان پیپلز پارٹی کے سیکرٹری جنرل سید نیئرحسین بخاری نے سندھ کے 14اضلاع میں بلدیاتی انتخابات کے پہلے مرحلے میں پارٹی کے نو منتخب امیدواران کو مبارکباد اور ووٹرز کا شکریہ ادا کرتی ہوئے جیالوں کو سلام  پیش کیا ہے انہوں نے پارٹی عہدیداران کو شاباش کے پیغام میں کہا ہے کہ پاکستان پیپلز پارٹی کے امیدواران کا بھاری اکثریت میں  فتحیاب  ہونا عوام کے اعتماد کا مظہر  ہے  چیئرمین بلاول بھٹو زرداری کی قیادت میں آئندہ بھی بڑی کامیابیاں حاصل کریں گے سندھ  کے غیور سپوتوں نے عمران خان   کے جعلی بیانیہ کو ٹھکرا دیا ہے  اور سندھ کے عوام نے بلدیاتی انتخابات میں پیپلزپارٹی کے مخالفین کو اوقات یاد دلا دی ہے نیر بخاری نے مزید کہا ہے کہ پاکستان پیپلز پارٹی کی جیت سے سندھ حکومت کی عوامی خدمت پالیسیوں پر مہر تصدیق ثبت کی ہے سندھ بلدیاتی انتخابات میں یو ٹرن ماسٹر  عمران خان کی جھوٹ فریب سیاست کو مسترد کیا گیا ہے  ووٹرز نے پیپلز پارٹی کی سندھ حکومت کی عوامی خدمات پر پارٹی امیدواران کو ووٹ کی طاقت سے بھاری اکثریت میں کامیابی دیکر تاریخی  فتح دلائی ہے۔
نیئر بخاری