خیبرپختونخوا میں آج ضلع شمالی وزیرستان کے علاقے دتہ خیل میں پولیو ٹیم پر ایک حملے میں دو پولیس اہلکار اور ایک پولیو کا رکن جاں بحق ہوگئے۔ صوبے میں جاری انسداد پولیو مہم کے دوران پولیو ٹیم پرنامعلوم مسلح افراد نے حملہ کیا۔خیبرپختونخوا کے وزیراعلی محمود خان نے پولیو ورکر اورپولیو مہم کی سیکورٹی ٹیم کی ہلاکت کی شدید مذمت کی ہے ۔انہوں نے شہدا کے ایصال ثواب کیلئے دعا کی اور سوگوار خاندانوں کے ساتھ تعزیت کی ۔محمود خان نے پولیو ٹیم پر حملے میں ملوث ملزمان کی فوری گرفتاری کی ہدایت کی ۔ انہوں نے ملزمان سے سختی سے نمٹنے کے عزم کا بھی اعادہ کیا۔