تمام افسران اور اہلکار عید کے تینوں ایام ڈیوٹی پر حاضر رہینگے :عمر فارو ق

حافظ آباد (نمائندہ خصوصی +نمائندہ نوائے وقت) ڈپٹی کمشنر حافظ آباد عمر فارو ق وڑائچ نے کہا ہے عید الاضحی کے موقع پر میونسپل کمیٹی ، ریسکیو 1122، لائیو سٹاک اور دیگر متعلقہ محکموں کے افسران اور اہلکاروں کی چھٹیاں منسوح کر دی گئی ہیں تمام افسران اور اہلکار عید کے تینوں ایام میں ڈیوٹی پر حاضر رہینگے ۔ ضلع بھر میں صفائی ستھرائی جانوروں کی آلائشیں ٹھکانے لگانے کیلئے میونسپل کمیٹی کے سینٹری ورکرز کی ڈیوٹیاں لگاد ی گئی اور شہر بھرسے آلائشیں اُٹھانے کیلئے کولیکشن پوائنٹس بھی بنا دیئے گئے ہیں۔انہوں نے ان خیالات کااظہار عید کے موقع پر صفائی ستھرائی اور دیگر انتظامات کے حوالہ سے اجلاس کی صدارت کرتے ہوئے کیا۔