لاہور(سپورٹس رپورٹر)افغانستان کرکٹ ٹیم کے کپتان راشد خان نے کہا ہے کہ سیمی فائنل کھیلنا اور جنوبی افریقہ جیسی بڑی ٹیم سے ہارنا قبول کرتے ہیں، اگلی مرتبہ زیادہ مضبوطی سے کم بیک کرینگے۔ ہم شاید بہتر کرسکتے تھے لیکن حالات نے اجازت نہیں دی جو ہم کرنا چاہتے تھے۔ ٹی ٹونٹی فارمیٹ میں آپ کو تمام حالات کے بارے میں تیار رہنا پڑتا ہے۔ ہمارے لئے بہت مشکل دن تھا، ہم بہتر کھیل سکتے تھے۔ جنوبی افریقہ نے بہترین بائولنگ کی، یہ ٹورنامنٹ ہمارے لیے بہت اچھا تھا، بہت کچھ سیکھنے کا موقع ملا۔ ہم نے اس ٹورنامنٹ میں اچھی بائولنگ کی، ہمارے فاسٹ بائولرز کی اچھی کارکردگی کی وجہ سے سپنرز کا کام آسان ہو گیا۔ مڈل آرڈر بیٹنگ لائن اپ میں کچھ کام کرنا باقی ہے۔