فیروز والہ :شادی والے گھر میں دن دیہاڑے75لاکھ کاڈاکہ  

 فیروزوالہ( نامہ نگار)  تھانہ شیرپور کے علاقہ کوٹ مظفر ٹھٹھہ لاچیاں میں دن دہاڑے ڈکیتی کی واردات 4 ڈاکووںنے حاجی طارق  کے گھر میں داخل ہو کر انہیں اور اہل خانہ کو یرغمال بنا کر تقریبا 75 لاکھ روپے  مالیت کے زیورات نقدی ساڑھے چار لاکھ روپے اور دیگر قیمتی سامان لوٹ کر لے گئے جس میں37 تولے زیورات بھی شامل ہیں، حاجی طارق کے بیٹی کی چند روز بعد شادی ہونے والی تھی۔ رجنا ٹاؤن میں ڈاکو گن پوائنٹ پر ہارون سے ایک لاکھ 25 ہزار کی رقم اور موبائل چھین کر لے گئے۔ ننگل ساہداں سٹاپ کے قریب ڈاکو مزاحمت پر فائرنگ سے اشتیاق کو زخمی کرکے نقدی اور موبائل چھین کر لے گئے۔ 17چک کے قریب ڈاکو سرفراز سے موٹرسائیکل اور نقدی چھین کر فرار ہو گئے،کوٹ وار میں چوروں نے ضیغم کی آڑھت کی دکان کے تالے توڑکر 16لاکھ روپے نقدی چوری کرلی ۔تھانہ فیکٹری ایریا کے علاقہ موٹروئے پل کے قریب 2ڈاکو لاہورچوہنگ کے رہائشی اشفاق سے 75ہزارروپے نقدی‘ موبائل چھین کر فرار ہو گئے۔ ڈاکووں نے یونس سے نقدی موبائل چھین لیا‘ مزاحمت پر سے گولی مار کر زخمی کر دیا۔