دیانت داری ہمیشہ ہمارے خاندان کا طرہ امتیازرہا ہے:بلال اعجاز  

نوشہرہ ورکاں(نامہ نگار)حلقہ این اے 81  سے منتخب رکن قومی اسمبلی پی ٹی آئی رہنماء  چوہدری بلال اعجاز کو قومی اسمبلی میں تین مختلف قائمہ کمیٹیوں کا ممبر منتخب کر لیا گیا ہے جس میں پرویلج کمیٹی مواصلات اور لاجز و لائیبریری کمیٹی شامل ہیں قومی اسمبلی قائمہ کمیٹیوں کی نمائندگی تحصیل نوشہرہ ورکاں کیلئے اعزاز ہے۔ ان خیالات کا اظہار نومنتخب ممبر پرویلج کمیٹی بلال اعجاز نے کیا۔ انہوں نے مزید کہا کہ ایمانداری اور دیانت داری ہمیشہ ہمارے خاندان کا طرہ امتیاز رہا ہے۔ جس شفاف انداز میں چیئرمین زکوۃ کونسل پنجاب کی ذمہ داریاں ادا کی اور اپنے قائد عمران خان کے اعتماد پر پورا اترا،اسی طرح اپنی ذمہ داریوں کی انجام دہی میں بھر پور کردار ادا کر کے ارکان اسمبلی کے حقوق کے تحفظ کو یقینی بنانے میں کوئی دقیقہ و فروگزاشت برداشت نہیں کرونگا۔