ایران میں صدارتی انتخابات آج، 2 امیدوار دستبردار، 4 میں مقابلہ ہو گا 

تہران (این این آئی+ نوائے وقت رپورٹ) ایران میں مرحوم صدر ابراہیم رئیسی کے جانشین کے انتخاب کیلئے ایرانی میڈیا کے مطابق ایرانی عوام  بروز جمعہ ووٹ ڈالیں گے۔ ایران کی شوریٰ نگہبان نے صرف6  امیدواروں کے ناموں کی منظوری دی ہے۔ ان6  صدارتی امیدواروں میں سعید جلیلی، محمد باقر قالیباف، مسعود پزیشکیان، مصطفی پور محمدی، امیر حسین غازی زادہ ہاشمی اور علی رضا زاکانی شامل ہیں۔ صدارتی انتخاب میں کوئی خاتون امیدوار نہیں۔ نوائے وقت رپورٹ کے مطابق ایرانی انتخابات میں دو صدارتی امیدوار مقابلے کی دوڑ سے دستبردار ہو گئے۔