کلرسیداں(نامہ نگار) الخدمت فاؤنڈیشن کلر سید ا ں کی جانب سے سٹی ٹریفک پولیس کو شدید گرمی اور دھوپ سے بچاؤ کے لیئے معیاری چھتریوں اور ٹی ایچ کیو ہسپتا ل کلرسیداں کو سانپ کاٹنے کی انسدادی ویکسین مہیا کردی گئی۔الخدمت کی جانب سے سر پر ست اعلی چوہدری ابرار حسین،نائب صدر اکرام الحق قریشی، عبدالودود عامر نے چھتریاں سب انسپکٹر عمران نواب خان کے حوالے کیں اس موقع پر انسپکٹر محمد افضال،قاضی عمیر و دیگر بھی موجود تھے چوہدری ابرار حسین نے کہا کہ الخدمت زبان رنگ نسل اور مذہبی تقسیم سے ہٹ کر تمام شعبوں میں انسانیت کی خدمت کو اپنا فرض اولین سمجھتی ہے ٹریفک اہلکار شدید گرمی اور دھوپ میں کھڑے رہ کر ٹریفک کنٹرول کرتے تھے ہم نے انہیں جدید معیاری اور کشادہ چھتریاں مہیا کی ہیں جس سے سٹی ٹریفک پولیس کی کارکردگی پر مثبت اثرات مرتب ہوں گے۔