کبیروالامیں بچوں کی لڑائی میں بڑے کود پڑے،تشدد سے ایک بھائی قتل ،دوسرا زخمی

کبیروالامیں بچوں کی لڑائی میں بڑے کود پڑے،مخالفین دو بھائیوں کو اٹھاکر لے گئے،تشدد سے ایک بھائی قتل اوردوسرا زخمی ہو گیا۔تفصیلات کے مطابق کبیر والا میں افسوسناک واقعہ پیش آیا ہے جہاں بچوں کی لڑائی پر کھوکھر برادری کے چھ سے سات مسلح ملزمان دو بھائیوں کو اٹھا کر گھر لے گئے، ملزمان کے بدترین تشددکے نتیجے میں ایک بھائی موقع پر ہی دم تو ڑ ہو گیا جبکہ دوسرا زخمی ہوگیا، قتل ہونے والے شخص کی شناخت ریاض کے نام سے ہوئی۔پولیس نے زخمی ظفر اور ریاض کی نعش کو ٹی ایچ کیو ہسپتال منتقل کردیا۔پولیس تھانہ بارہ میل نے موقع پر پہنچ کر قانونی کارروائی کا آغاز کر دیا ۔