پنجاب، سندھ اور بلوچستان کے بعض علاقوں میں بارش سے موسم خوشگوار ہوگیا. لاہور اور گردونواح میں ہلکی بارش اور بونداباندی نے لوگوں کے چہرے کھلا دیئے.

محکمہ موسمیات نےآئندہ چوبیس گھنٹےمیں آزاد کشمیر،خیبرپختونخوا،شمال مشرقی بلوچستان سمیت ملک کے چند مقامات پربارش کی پیش گوئی کی ہے،، لاہور میں کالی گھٹاوں نے صبح سے ہی شہر کو اپنی لپیٹ میں لئے رکھا تھا،،،جس کےبعد شہر اور گردو نواح میں ہلکی بارش اور بوندا باندی نے موسم خوشگواربنا دیا، ،،محکمہ موسمیات کاکہنا ہے کہ وقفے قفے سے ہونے والی بارش کا سلسلہ دو روز تک جاری رہے گا،، کراچی کے مختلف علاقوں میں بدھ کی رات تیز ہوائیں چلنا شروع ہوئیں جس کے بعد مختلف علاقوں میں بادل چھاگئے اور بارش کا سلسلہ شروع ہوگیا۔ٹاور،آئی آئی چندریگرروڈ،فیڈرل بی ایریا،شارع فیصل اورملیر سمیت مختلف مقامات پر کہیں تیز کہیں ہلکی بارش ہوئی، کشمور،کندھ کوٹ اور شکارپور میں بھی بدھ اور جمعرات کی درمیانی شب بارش سے موسم خوشگوار ہوگیا۔محکمہ موسمیات کے مطابق آج کوئٹہ،ژوب،سبی،قلات،ڈی آئی خان،بنوں اور پشاور ڈویژن سمیت سندھ ،جنوبی پنجاب اور کشمیر کے بعض علاقوں میں بارش کا امکان ہے