اسلام آباد (خبر نگار) وفاقی حکومت نے منگل کو بھی بیورو کریسی میں تقرر و تبادلےکرتے ہوئے پاکستان ایڈمنسٹریٹو سروس گروپ گریڈ 21کے ایڈیشنل سیکرٹری داخلہ شیر افگن خان کو ایڈیشنل سیکرٹری پٹرولیم تعینات کر دیا گیاجبکہ سیکرٹریٹ گروپ گریڈ 21کے سینئر جوائنٹ سیکرٹری اسٹیبلشمنٹ ڈویژن محمد ایوب چوہدری کو تبدیل کر کے ایڈیشنل سیکرٹری فنی تعلیم و تربیت لگا دیاہے، سیکرٹریٹ گروپ کے گریڈ 21کے سینئر جوائنٹ سیکرٹریٹ سائنس اینڈ ٹیکنالوجی ڈویژن حسن بیگ کو تبدیل کر کے ایڈیشنل سیکرٹری وزارت امور کشمیر و گلگت بلتستان تعینات کر دیا، سندھ میں تعینات ایڈمنسٹریٹو سروس کی گریڈ 18کی مسز صدف انیس کی 365روز کی رخصت منظور کرلی گئی ہے، سول سروس اکیڈمی لاہور میں تعینات پاکستان ایڈمنسٹریٹو سروس کی گریڈ 17کی قدسیہ ناز کی 16دن کی رخصت منظور کرلی گئی ہے، اس سلسلے میں اسٹیبلشمنٹ ڈویژن نے باضابطہ نوٹیفکیشن جاری کر دیئے ہیں۔