لاہور(پ ر) پی آئی اے ایمپلائز کوآپریٹو ہائوسنگ سوسائٹی کے صدر مرزا دلدار بیگ نے اپنے ایک بیان میں کہا ہے کہ سوسائٹی میں ترقیاتی کام تیزی سے جاری ہیں، کلین اینڈ سر سبز پاکستان کے تحت سوسائٹی میں سینکڑوں درخت لگائے گئے ہیں، اس کے علاوہ سڑکوں کی کارپیٹنگ بھی کی گئی ہے۔ انہوں نے کہا کہ تمام کام اپنی نگرانی میں کرا رہا ہوں تاکہ سوسائٹی کے مکینوں کو بہتر سے بہتر سہولیات میسر آ سکیں۔ انہوں نے کہا کہ سوسائٹی کو بہترین سوسائٹی بنانا میری اولین ترجیح ہے۔انشاء اللہ بہت جلد ہماری سوسائٹی کا شمار لاہور کی بہترین سوسائٹیوں میں ہو گا۔ سوسائٹی میں سکیورٹی کا بہترین انتظام کیا گیا ہے۔ سکیورٹی کیمرے نصب کئے گئے ہیں۔ صاف پینے کا پانی مہیا کیا گیا ہے تاکہ مکین پرسکون زندگی گزار سکیں۔