لاہور(کلچرل رپورٹر)شوبزسے وابستہ فنکاروںنے وظیفوں کی بحالی پر صوبائی وزیراطلاعات وثقافت سید صمصام بخاری کا شکریہ ادا کیا ہے ۔سینئراداکار شجاعت ہاشمی ،صابرہ سلطانہ ،انوررفیع ،استاد حسین بخش گلو،نثار بٹ ،ترنم ناز،غفار لہری ،شفاعت اعوان ،آصف جاوید ،اعجاز لوہار اور دیگر بہت سے فنکاروںکاکہناتھاکہ سید صمصام بخاری نے معمر،بے روزگار اور مستحق فنکاروں کے وظیفے بحال کرکے فنکاربرادری کے دل جیت لیے ہیں۔انہوںنے حقیقی معنوں میں فنکاروںکے ساتھ ہمدردی کا ثبوت دیا ہے ۔فنکاروں کی دعائیں ہمیشہ ان کے ساتھ رہیں گی۔