لاہور(سپورٹس ڈیسک )کرونا وائرس کے سبب امریکہ کی سب سے بڑی انڈیاناپولس500 میل ریس کو23 اگست تک ملتوی کردیا گیا ہے۔انڈیاناپولس ریس جس میں گاڑیوں کی اوسط رفتار230 میل فی گھنٹہ ہوتی ہے رواں سال مئی کے آخر میں شیڈول تھی تاہم اس کو کرونا وائرس کے سبب اگست تک مؤخر کر دیا گیا ہے۔ برازیل نے اعلان کیا ہے کہ ریو ڈی جنیرو کے ماراکانا فٹبال سٹیڈیم کو کرونا وائرس سے متاثرہ مریضوں کیلئے عارضی ہسپتال میں تبدیل کیا جائیگا۔ ریو ڈی جنیرو کے ریاست کے گورنر ولسن وٹزل نے کہا کہ مقامی ہسپتالوں میں کرونا مریضوں میں اضافے کے باعث فٹبال سٹیڈیم اور اس سے ملحق ماراکانا زنہوکے میدان کو اپریل کے وسط تک استعمال کیا جائیگا۔