آل میچ میکرز ایسوسی ایشن کے وفد کی ڈاکٹرفاروق ستارسے ملاقات

کراچی (سٹی نیوز) آل میچ میکرز ویلفیئر ایسوسی ایشن کے چیئرمین سمیع شیخ کی قیادت میں جیاوارثی اور شاہ رخ طارق پر مشتمل وفد نے سابق میئر ورکن قومی اسمبلی ڈاکٹرفاروق ستار سے ان کی رہائش گاہ پر ملاقات کی ،اس موقع پر بات چیت کرتے ہوئے وفد نے میچ میکرزکو درپیش مسائل پر روشنی ڈالی اور بتایاکہ میچ میکنگ کے شعبے کو جعلی میچ میکرز نے بدنام کرنے کی مذموم حرکتیں شروع کردی ہیں جو میچ میکرز کانام استعمال کرکے سادہ لوح لوگوں سے رشتے کروانے کے نام پر فراڈ کرتے ہیں، ایسے کئی لوگوں کے خلاف آل میچ میکرز ایسوسی ایشن نے ایکشن لیاہے اور ان کے خلاف قانونی کارروائی کرواکے کیفرکردارتک پہنچایاہے،تاہم آل میچ میکرز کا یہ سفر جاری وساری ہے اور ہم اللہ پر یقین رکھتے ہوئے اس مقدس پیشے کے وقار کو قائم رکھنے میں کامیاب ہوئے ہیں۔ انہوں نے اگلے ماہ میچ میکرز کے سال کے سب سے بڑے میگاایونٹ کے انعقاد سے آگاہ کرتے ہوئے انہیں شرکت کی دعوت دی۔ ڈاکٹرفاروق ستار نے میگاایونٹ میں شرکت کی یقین دہانی کرواتے ہوئے کہاکہ آل میچ میکرز ایک عظیم کارخیر انجام دے رہاہے اور بلاشبہ یہ ایک مقدس پیشہ ہے جو اللہ تعالیٰ کو پسند ہے۔ انہوں نے کہاکہ میں عوام ا لناس کو یہی پیغام دوں گا کہ اگر اچھے اور خاندانی لوگوں کو ملاناہے تو آل میچ میکرز بہترین چوائس ہے ۔