حکومت کا جاناٹھہر گیا، عوام چھٹکارے کیلئے دعائیں مانگ رہے ہیں:سائرہ افضل

حافظ آباد+ پنڈی بھٹیاں(نمائندہ خصوصی+ نامہ نگاران+نمائندہ نوائے وقت)  گذشتہ روز مسلم لیگ ن کے کارکنوں کا کارواں سابق وفاقی وزیر سائرہ افضل تارڑ اور ضلعی صدر محمد بخش تارڑ کی قیادت میں اسلام آباد مارچ میں شرکت کیلئے روانہ ہوا۔ اس موقع پر کارکنوںنے میاں نواز شریف کے حق میں نعرہ بازی کی جبکہ سائرہ افضل تارڑ کا کہنا تھا کہ اب اس حکومت کا جاناٹھہر گیا ہے ۔ موجودہ حکومت نے ملک میں مہنگائی اور بے روزگاری جس طرح بڑھائی ہے ۔اب عوام اس سے چھٹکارے کے لئے دن رات دعائیں مانگ رہے ہیں،قبل ازیںچوہدری بابر شفیق ارائیں سابق چئیرمین میونسپل کمیٹی پنڈی بھٹیاں ،اور چوہدری شعیب شفیق ارائیں ٹکٹ ہولڈر پی پی 71کی قیادت میں ویگنوں،کاروں پر مشتمل قافلہ مسلم لیگ(ن)کی مہنگائی مکائو مارچ میں شرکت کیلئے حافظ آبادپہنچا اور سابق وزیر صحت سائرہ افضل تارڑ کے ساتھ ملکر  مارچ میںشامل ہو ا اُن میں مقامی رہنمائوں سابق ایم این اے میاں شاہد حسین بھٹی ،ڈاکٹر مظفر علی شیخ ایم پی اے شہباز خاں ایڈووکیٹ بھی شامل تھے۔