اہلکارسٹریٹ کریمنلز کا تعاقب کریں:ڈی آئی جی  آپریشنز 

لاہور(نامہ نگار) ڈی آئی جی آپریشنز لاہور ڈاکٹر عابد خان نے کہا ہے کہ ڈولفن و پی آریو جوان پاکستان اورآسٹریلیاکے ٹیسٹ میچز کی طرح ون ڈے اورٹی ٹوئنٹی میچز کے پر امن انعقاد کیلئے متحرک رہیں۔ عرس مبارک مادھو لال حسین کے حوالے سے مزار کے اطراف بھی موثر پٹرولنگ یقینی بنائیں۔ دورانِ پٹرولنگ مشکوک موٹر سائیکل،گاڑیوں و افراد کو لازمی چیک کریں۔ سٹریٹ کریمنلز کا تعاقب کریں اور انہیں گرفت میں لیں۔ ایس پی صاعد عزیز نے ڈولفن و پی آریو کی گذشتہ ہفتے کی کارکردگی رپورٹ سے آگاہ کرتے ہوئے بتایا کہ ہیلپ لائن 15 پر 1590کالز موصول ہوئیں جن پر فوری ریسپانس عمل میں لایاگیا۔ سٹاپ اینڈسرچنگ کے دوران63ہزارسے زائد موٹر سا  ئیکلوں اور73ہزار479اشخاص کی چیکنگ کی گئی۔سنگین وارداتوں میں ملوث37ملزمان گرفتارکئے گئے۔ 10پستول، رائفل،11 میگزین اورسینکڑوں گولیاں قبضہ میں لی گئیں۔1900 گرام چرس اور10بوتلیں شراب برآمدکی گئی۔دورانِ پٹرولنگ 15اشتہاری24عادی مجرمان جبکہ 42عدالتی مفروران بھی گرفتارکئے گئے۔