فٹ بال :سپین ‘انگلینڈ ‘جرمنی ‘نیدر لینڈز‘بیلاروس‘بلغاریہ کی ٹیمیں کامیاب

لاہور(سپورٹس ڈیسک ) سپین نے دوستانہ فٹ بال میچ میں البانیہ کو ایک کے مقابلے میں دو گول سے شکست دیدی ۔ فاتح ٹیم کی جانب سے ٹورس گارشیا اور اولموکاروال نے ایک ایک گول کیا ۔ البانیہ کے ازیونی نے گول کیا ۔ آئرلینڈ اور بلیجیئم کے درمیان مقابلہ دو دو گول سے برابر رہا ۔ انگلینڈ نے سوئٹزرلینڈ کو ایک کے مقابلے میںدو گول سے ہرادیا۔ جرمنی نے اسرائیل کو دو صفر سے شکست دیدی ۔ نیدر لینڈ ز نے ڈنمارک کو دو کے مقابلے میں چار گول سے زیر کیا ۔ کروشیااور سلووینیا کے درمیان مقابلہ ایک ایک‘فن لینڈ اور آئس لینڈ کے درمیان مقابلہ گول سے برابررہا۔ بیلا روس نے بھارت کو تین صفر سے دھول چٹا دی ۔ بلغاریہ نے قطر کو ایک کے مقابلے میں دو گول سے ہرا دیا ۔