پتوکی (نمائندہ خصوصی) پتوکی میں نصف شب کے قریب پتوکی لنڈا مارکیٹ میں دکانوں، کھوکھوں میں شارٹ سرکٹ کے باعث آگ لگ گئی۔ آگ کی زد میں آکر 14 کے قریب کھوکھے  اور دکانیں جل کر راکھ ہو گئیں جن میں لاکھوں روپے کا کپڑا، پلاسٹک پائپ ودیگر سامان موجود تھا۔ ریسکیو1122، فائر بریگیڈ  اوکاڑہ، قصور، پتوکی کی ٹیموں نے تین گھنٹوں میں آگ پر قابو پایا۔ ٹیموں کی جانب سے بروقت آپریشن سے 135 کے قریب دکانیں محفوظ رہیں۔ تحصیل پتوکی میں کالج روڈ پر واقع نشاط لنڈا مارکیٹ میں  150 کے قریب دکانیں موجود ہیں۔ جب اس سلسلے میں لیسکو  سٹی پتوکی سے رابطہ کیا گیا تو رابطہ نہ ہو سکا۔
لنڈا مارکیٹ/ آتشزدگی