سعودی عرب کی طرف سے پاکستان کو 100 ٹن کھجوروں کی فراہمی

اسلام آباد(خصوصی نامہ نگار )سعودی عرب کی طرف سے پاکستان کو 100 ٹن کھجوروں کی فراہمی. تفصیلات کے مطابق سعودی عرب کی طرف سے پاکستان کو 100 ٹن کھجوروں کی فراہمی کے حوالے سے سعودی سفارت خانے میں تقریب کا انعقاد کیا گیا جس میں سعودی سفیر نواف سعید المالکی اور کنگ سلمان ہیومینیٹرین سینٹر کے ڈائریکٹر ڈاکٹر خالد محمد العثمانی نے کھجوریں پاکستانی انتظامیہ کے حوالے کیں۔ یہ 100 ٹن کھجوریں سالانہ روایات کے طور پر سعودی عرب کی جانب سے دی گئی ہیں، سعودی حکومت پاکستانی بھائیوں کیلئے کھجوروں کا تحفہ فراہم کرنے پر مسرت ہے، یہ کھجوریں خادم حرمین الشریفین کی ہدایات پر فراہم کی جا رہی ہیں۔