لاہور(سپورٹس رپورٹر)فیفا ورلڈ کپ کوالیفائر 2 میں اْردن نے پاکستان کو صفر کے مقابلے میں 7 گول سے عبرتناک شکست دیدی۔امان کے انٹرنیشنل سٹیڈیم میں کھیلے گئے میچ میں کھیل کا آغاز تیزی سے ہوا، میزبان اْردن کی ٹیم کے کھلاڑیوں نے پاکستانی گول پر حملے کیے جس کے نتیجے میں اْنہیں پہلی کامیابی پندرہویں منٹ میں موسیٰ التماری کے گول کی بدولت ملی۔ دوسرا گول یازان النعمت نے پنالٹی کک پر 28 ویں منٹ میں کیا۔ پاکستانی ٹیم نے بھی حریف کے گول پر حملے کیے مگر وہ خسارہ کم کرنے میں کامیاب نہیں ہوسکی۔ ساتواں گول ابو محمد نے 83ویں منٹ میں کیا اور پاکستان کو 0-7 سے شکست ہوئی۔ 16سال کے عرصے میں پاکستان کی یہ سب سے بڑے مارجن سے ناکامی ہے۔