پی سی بی کے قومی ٹیم کے کوچنگ سٹاف کیلئے رابطے تیز

لاہور(سپورٹس رپورٹر) پاکستان کرکٹ بورڈ نے مینز کرکٹ ٹیم کے کوچنگ سٹاف کیلئے رابطے تیز کردیے۔ذرائع کے مطابق پاکستان کرکٹ بورڈ نے سابق آسٹریلوی فاسٹ بائولر جیسن گلیسپی سے رابطہ کیا ہے اور بتایا جارہا ہے کہ جیسن کے ساتھ پی سی بی کے معاملات طے پانے کے قوی امکانات ہیں۔ ذرائع کا کہنا ہے کہ پی سی بی کی سابق جنوبی افریقی بیٹر گیری کرسٹن کیساتھ بھی بات چیت چل رہی ہے،  بورڈ کو گیری کرسٹن کیساتھ بھی معاملات طے پانیکی امید ہے جس کے بعد گیری کرسٹن کے ہیڈ کوچ کی ذمہ داریاں سنبھالنے کے امکانات ہیں۔