فیصل آباد:چھیڑ نے پر خاتون نے محنت کش کو آگ لگا دی‘جھلس کرزخمی

فیصل آباد(نمائندہ خصوصی) خاتون سے مبینہ چھیڑ خانی کرنا مہنگا پڑ گیا، خاتون نے تیل چھڑک کر محنت کش کو آگ لگا دی‘تھانہ مدینہ ٹاؤن محلہ رسول پارک گلی نمبر چودہ میں سائیکل سوار محنت کش شوکت پھیری لگا کر بیڈ شیٹس فروخت کر رہا تھا کہ اسی دوران مبینہ طور پر شوکت نے عاصمہ نامی خاتون سے چھیڑ خانی کر دی جس پر خاتون نے طیش میں آ کر شوکت پر تیل چھڑک کر اسے آگ لگا دی، آگ کی لپیٹ میں آ کر شوکت بری طرح جھلس گیا، زخمی شخص کو طبی امداد فراہم کرنے کے بعدہسپتال منتقل کر دیا گیا ہے، تھانہ مدینہ ٹاؤن پولیس نے خاتون کو حراست میں لے کر کارروائی شروع کر دی ۔