فیروزوالہ (نامہ نگار) جائیداد کے تنازعہ پر نوجوان نے اپنے دو ساتھیوں کی مدد سے اپنے  والد سردار حسین شاہ 60 سالہ کے گلے میں پھندا ڈال کر اسے قتل کر دیا۔ ملزم فرار ہو گئے، بتایا گیا ہے کہ چک نمبر 39 (فیروزوالا) کے رہنے والے نوجوان گلفام حسین نے اپنے باپ  سید سردار حسین شاہ سے جائیداد کا حصہ مانگا جس پر ان کے درمیان  جھگڑا چل رہا تھا، اس رنج کی بناء پر گلفام نے اپنے ساتھی عرفان وغیرہ کی مدد سے  سردار حسین شاہ  کے گلے میں رسی کا پھندا ڈال کر نعش دوسری منزل کے کمرہ میں چھت والے پنکھے سے لٹکا دی۔ واقعہ کو خودکشی کا رنگ دینے کی کوشش کی۔ مقتول کے بیٹے سید معظم  علی شاہ نے پولیس کو بتایا کہ یہ واقعہ قتل ہے، میرے بھائی گلفام حسین نے ساتھیوں کی مدد سے باپ کو قتل کیا ہے۔ فرار ہوگئے ہیں۔ پولیس نے لاش قبضہ میں لے کر مقتول کے بیٹے  معظم علی  کی رپورٹ پر گلفام حسین اور اس کے دو ساتھیوں اور عرفان وغیرہ کے خلاف قتل کے الزام میں مقدمہ درج کر لیا۔