رمضان المبارک میں فلسطین کے مسلمانوں  کے لیے خصوصی دعائیں کی جائیں حاجی ظفر اقبال

 راولپنڈی(اپنے سٹاف رپورٹرسے) رمضان المبارک میں اللہ تعالی اپنی رحمتوں اور برکتوں کے در کھول دیتا ہے  امت مسلمہ کے لیے یہ ایک نعمت سے کم نہیں ان خیالات کا اظہار ممبر کینٹ بورڈ حاجی ظفر اقبال عمر ہ کی سعادت کے لیے سعودی عرب روانگی کے موقع پر گفتگو کرتے ہوئے کیا انہوں نے کہا کہ رمضان میں امت مسلمہ خصوصا فلسطین کے مسلمانوں  کے لیے خصوصی دعائیں کی جائیں جو اس وقت  طاغوتی حملوں کے ظلم کا شکار ہیں۔ وطن عزیز پاکستان کی تعمیر و ترقی اور استحکام کے لیے بھی خصوصی دعا کی جائے ۔ضرورت اس بات کی ہے کہ دنیا بھر کے مسلمان  اللہ کی رسی کو مضبوطی سے تھام لیں اور تفرقہ میں نہ پڑیں۔تا کہ صیہونی قوتیں عالم اسلام پر غلبہ نہ پاسکیں۔ آج عالم کفر کا جادو سر چڑھ کر بو ل رہا ہے جس کی سرکوبی کے لیے صرف اور صرف  ایک ہی حل کے کہ دنیا بھر کے مسلمان ایک اسلامی جھنڈے تلے متحد ہو جائیں ۔