اسلام آباد (اپنے سٹاف رپورٹر سے)تھانہ شالیمار کے علاقے ای الیون ون سے دو بھائیوں کو گاڑی سمیت اغوا کر لیا گیا پولیس کو مسماۃ محبوبہ عنایت نے بتایا کہ میرا بیٹا یوسف اپنے سوتیلے بھائی دولت خان کے ساتھ سفید ہنڈا کار میں گھر سے نکلے جبکہ اگلی صبح ہونے تک ان کی واپسی نہ ہوئی تشویش لاحق ہونے پر متعدد بار فون کالز بھی کیں مگر ان دونوں کے فون مسلسل بند مل رہے ہیں خدشہ ہے کہ ان کے بیٹوں کو نامعلوم افراد نے اغوا کر لیا ہے پولیس نے مقدمہ درج کر کے تلاش شروع کر دی۔