کولمبیا میں بارشوں اورسیلاب سے متعدد علاقے زیر آب آ چکے ہیں جبکہ سینکڑوں مکانات اورعمارتیں تباہ ہو چکی ہیں ۔سڑکوں پر پانی جمع ہونے کی وجہ سے لوگ گھروں میں محصور ہوکررہ گئے ہیں اور نظامِ زندگی بری طرح متاثر ہوا ہے ۔ متاثرہ علاقوں میں غذائی اجناس کی بھی شدید قلت پیدا ہو چکی ہے۔ ادھر حکومت کی جانب سے امدادی سرگرمیوں کا سلسلہ جاری ہے اور بے گھر افراد کوعارضی رہائشیں فراہم کی جا رہی ہیں ۔