محکمہ موسمیات کے مطابق مری اورجڑواں شہروں میں آج صبح ہونے والی بارش اور ژالہ باری سے گرمی کی شدت میں کمی آئی ہے ۔ آج شام جہلم، سیالکوٹ، گجرات،شیخوپورہ ، لاہور، راولپنڈی ، اسلام آباد ، ہزارہ اورکشمیر کے بعض علاقوں میں  تیزآندھی کے ساتھ کہیں کہیں بارش کا امکان ہے ۔ محکمہ موسمیات کے مطابق ملک کےجنوبی علاقوں ، صوبہ سندھ اور بلوچستان میں بھی آج گرمی کی شدت کم رہے گی جبکہ میدانی علاقے بدستور گرمی کی لپیٹ میں ہوں گے ۔ دوسری جانب گلگت اور وادی ہنزہ میں بھی گرج چمک کے ساتھ بارش کا امکان ہے ۔
 آج صبح ریکارڈ کیے گئے کم سے کم درجہ حرارت کی تفصیل اس طرح ہے۔ اسلام آباد چھبیس  ڈگری سینٹی گریڈ، کراچی انتیس، لاہور تیس، پشاور چھبیس کوئٹہ سترہ، مظفرآباد بائیس،گلگت سترہ،  مری اکیس، ملتان تیس اور فیصل آباد کا بھی کم سے کم درجہ حرارت تیس ڈگری سینٹی گریڈ ریکارڈ کیاگیا ۔