پیرس (اے پی پی) دفاعی چیمپئن راجر فیڈرر، رابن سوڈرلنگ، جوویلفرائیڈ تسونگا اور مارین کلک فرنچ اوپن ٹینس ٹورنامنٹ کے تیسرے راونڈ میں پہنچ گے۔ فرانس میں جاری سال کے دوسرے گرینڈ سلام کے دوسرے راونڈ میںسوئیزر لینڈ کے بین الاقوامی شہرہ آفاق ٹینس سٹار اور دفاعی چیمپئن راجر فیڈرر نے کولمبیا کے الجانڈرو فالاکو 7-6 (7-4)، 6-2 اور 6-4 سے ہرا کر ٹورنامنٹ کے تیسرے راونڈ کے لیے کوالیفائی کرلیا۔ سویڈن کے فائیو سیڈ رابن سوڈرلنگ نے امریکہ کے ٹیلر ڈینٹ کو سٹریٹ سیٹس میں 6-0،6-1 اور6-1 سے اور فرانس کے جوویلفر ائیڈ تسونگا نے ہم وطن جوسلین اوانا کو 6-0،6-1 اور 6-4 سے ہرا کر ٹورنامنٹ کے اگلے راونڈ کےلیے کوالیفائی کر لیا۔ کروشیا کے مارین کلک نے سپین کے ڈینیل جمینو تراور کو6-3،7-6(7-4) اور -26 سے ہرا دیا ۔خواتین مقابلوں میں سیکنڈ سیڈ وینس ولیمز ، تھرڈ سیڈ کیرولین وزنائیکی ، سوتیلانا کزنٹسوا ، نادیہ پیٹروا، فلاویہ پینی یٹا اور آر وا نے ریزائی فرنچ اوپن ٹینس ٹورنامنٹ کے تیسرے راونڈ میں پہنچ گئیں۔ ٹورنامنٹ کے چوتھے روز کھیلے جانے والے دوسرے راونڈ میں امریکہ کی سابق عالمی چیمپئن اور ٹورنامنٹ کی سیکنڈ سیڈ وینس ولیمز نے شاندار کارکردگی کا مظاہرہ کرتے ہوئے سپین کی ارانٹیکساکو سٹریٹ سیٹس میں 6-2اور6-4سے اور ڈنمارک کی تھرڈ سیڈ کیرولین وزنائیکی نے اٹلی کی تاتصینا گاربن کو 6-3 اور6-1 سے ہرا کر ٹورنامنٹ کے تیسرے راونڈ کے لیے کوالیفائی کر لیا۔