ذرائع کے مطابق پارا چنارسے پشاورجانے والی مسافر کوچ کرم ایجنسی کے علاقے چارسے گزررہی تھی کہ نامعلوم افراد نے اس پرفائرنگ کردی جس کے نتیجے میں تین افراد موقع پر دم توڑ گئے جبکہ واقعے میں خواتین اوربچوں سمیت چھ افراد زخمی بھی ہوگئے جنہیں فوری طور پر مقامی ہسپتال منتقل کردیا گیا۔ فائرنگ کے بعد ملزمان موقع سے فرار ہونے میں کامیاب ہوگئے۔ واقعے کی تحقیقات کا آغاز کردیا گیا ہے تاہم ملزمان کی شناخت یا گرفتاری کے حوالے سے تاحال کوئی پیشرفت نہیں ہوسکی۔