منفی سوچ کی ہار‘ امن کی جیت ہوئی مریم کا نواز مودی ملاقات پر ٹویٹر پیغام

اسلام آباد (آئی این پی) مسلم لیگ (ن) کی رہنما  اور وزیراعظم یوتھ لونز سکیم کی چیئرپرسن مریم نواز شریف نے کہا ہے کہ نواز شریف نے اپنی قیادت اور تدبر سے مخالفت کو دوستی میں بدل دیا ہے، مودی نے نواز شریف کو امن کا آدمی قرار دیا ہے، منفی سوچ ہارگئی اور امن جیت گیا۔ ملاقات کے حوالے سے اپنے  ٹوئیٹ میں انہوں نے کہا کہ قیادت وہ ہوتی ہے جو دشمنی کو دوستی میں بدل دے۔ مریم نواز نے اپنے ایک اور ٹویٹ میں کہا کہ وزیر اعظم کی پراعتمادی اور باڈی لینگوئج پر مر جانے کو دل کرتا ہے۔