پاکستان کا لارڈزکے وینیو پر لگاتار دو ٹیسٹ میچز جیتنے کا کارنامہ

کراچی ( اسپورٹس رپورٹر ) پاکستان نے جاری دو ٹیسٹ میچوں کی سیریزکے پہلے لارڈز ٹیسٹ میں میزبان انگلینڈکو9وکٹوں سے شکست دیکر نہ صرف سیریزمیں ایک ،صفر کی ناقابل شکست برتری حاصل کرلی ہے بلکہ لارڈزکے تاریخی وینیو پر لگاتار دو ٹیسٹ میچز جیتنے کا کارنامہ دوسری بار سرانجام دے ڈالاہے۔پاکستان نے حالیہ کامیابی سے قبل 2016ء کے ٹور میں بھی لارڈزمیں کھیلے گئے ٹیسٹ میچ میں فتح پائی تھی۔اس سے قبل گرین کیپس 1992ء اور1996ء میں بھی یہاں لگاتار دو میچز جیت چکے تھے۔حالیہ کامیابی سے پاکستان کی لارڈزمیں فتوحات کی تعداد پانچ ہوگئی ہے جو یہاں باہمی میچوں میں میزبان انگلش (4فتوحات) سے زائد کامیابیاں ہیں۔اب اوول اور لارڈز پاکستان کے فیورٹ گرائونڈ بن گئے ہیں جہاں پاکستان نے دیگر انگلش میدانوں سے زائد پانچ پانچ ٹیسٹ جیتے ہیں۔