فیروزوالہ (نامہ نگار) لاہور شرقپور روڈکافی عرصہ سے ٹوٹ پھوٹ کا شکارہے جس سے شہریوں‘ مسافروں کو آمدورفت میں شدید پریشانی کا سامنا ہے۔ بارشوں اور سیوریج کا پانی کھڑا ہونے سے گزرنا مشکل ہوجاتا ہے۔ سابق کونسلر کامران مشتاق عرف پوما اور علاقہ کی سماجی شخصیات افضل چیمہ‘ اکبر نرائن ‘عتیق‘ نے وزیراعلیٰ پنجاب سے سڑک کی فوری تعمیر کا مطالبہ کیا ہے۔ کامران مشتاق کا کہنا تھا کہ سڑک ٹوٹ پھوٹ کا شکار ہونے کی وجہ سے ایمبولینس کا گزرنا بھی مشکل ہے جس کی وجہ سے کئی مریض جان کی بازی ہار چکے ہیں۔ شہریوں نے اعلیٰ حکام سے مطالبہ کیا ہے کہ لاہور شرقپور روڈ اور پھول منڈی چوک سے سگیاں پل کی طرف جانے والی سڑکوں کو فوری مرمت کرنے کے احکامات جاری کیے جائیں۔