اسلام آباد (اپنے سٹاف رپورٹر سے)اسلام آباد پولیس نے سٹریٹ کریمنلز کے خلاف ایکشن کرکے دوگینگ گرفتار کرلئے   ایس ایس پی آپریشنز اسلام آباد ڈاکٹر سید مصطفی تنویرنے بتا یا کہ ضلع بھر میں سنیچنگ اور سٹریٹ کرائم کی وارداتوں کے سد باب کے لئے ڈی ایس پی محمود نواز بھٹی کی زیر نگرانی ایس ایچ او تھانہ نون اشتیاق حسین شاہ ، سب انسپکٹر منظور حسین معہ جوانوں نے سی سی ٹی وی کیمروں اور جدید ٹیکنالوجی کی مدد سے ان وارداتوں میں ملوث ملزمان کو ٹریس کیا گینگ نمبر 1میں انارگل ، جان آغا، قاری زاہداللہ اور عبدالستار شامل ہیں جن کے قبضہ سے چھینے گئے 06موبائل فون، نقدی 03لاکھ روپے ، 02موٹر سائیکل اور چار پستول برآمد ہوئے ہیں ،ملزمان کو جوڈیشل ریمانڈ پر جیل بھجوا دیا گیا ہے  یہ گینگ خواتین سے گن پوائنٹ پر پرس و موبائل فونز چھینتے تھے ، گینگ نمبر 2میں شہزاد احمد، ذوہیب عرف زیبی اور کامران عرف کامی شامل ہیں ان ملزمان سے چھینے گئے چارموٹر سائیکل،تین پستول ، نقدی اورپانچ موبائل فون برآمد کر لئے گئے ہیں یہ گینگ جڑواں شہروں میں موٹر سائیکل،خواتین سے پرس اور موبائل فون چھیننے میں ملوث ہیں ۔