راولپنڈی(اپنے سٹاف رپورٹر سے) متعدد وارداتوں میںشہریوں کونقدی ، طلائی زیورات ، موٹرسائیکلوں سے محروم کردیاگیامذاحمت پر دوشہری لہو لہان کردئے گئے تھانہ وسیڑیج کوعلی نے بتایا کہ نجم شہید روڈ پرمیرے گھر میں چھ مسلح ڈاکو داخل ہوئے اور گن پوائنٹ پر اہلخانہ کو یرغمال بنا کر گھر سے9 ہزار برطانوی پائونڈ ،چار لاکھ روپے کی نقدی ، اڑہائی تولہ وزنی طلائی زیورات اور گاڑی چھین کر فرار ہوگئے  تھانہ روات کو علاقے ملک عمر نے بتایا کہ تین افراد نے گن پوائنٹ پر مجھے روک لیا اور اسلحہ کی نوک پر پرس جس میں نقدی تھی موبائل سمیت چھین کر فرار ہوگئے ملزمان نے مجھ پر تشددکر کے زخمی بھی کردیا تھانہ صدر بیرونی کوعبدالشکور نے بتایا کہ کیش اینڈ کیری پر آنے والے دو ڈاکوئوں نے شور مچانے پرمجھے فائر مار کر زخمی کردیا تھانہ ریس کورس کو عائشہ نے بتایا کہ میرے گھر سے دس ہزارروپے کی نقدی اور کاغذات چوری ہوگئے تھانہ پیرودھائی کوذیشان نے بتایا کہ دو موٹر سائیکل سوار مجھ سے موبائل فون چھین کر فرار ہوگئے تھانہ نصیر آبادکو شہباز حیدراورخالدنے بتایا کہ ان سے الگ الگ واراتوں میں مسلح رہزن نقدی اور موبائل فون چھین کر لے گئے ۔