میرپورخاص میں شراب کی بھٹیوں پرچھاپے،ملزمان فرار

میرپورخاص (بیورورپورٹ)   ایس ایس پی میرپور خاص فیصل بشیر میمن کی خصوصی ہدایت پر ضلع بھر میں منشیات فتروشوں جرائم پیشہ افراد اور دیسی شراب تیار کرنے والی بھٹیوں پر چھاپوں کا سلسلہ جاری ہے گزشتہ روز ایس ایچ او جھڈو شاھنواز خاصخیلی نے دیگر پولیس نفری کے ہمراہ ایک خفیہ اطلاع پر متعلقہ تھانے کی حدود میں واقع ملزمان علی بخش کھوسو، آصف کھوسو، علی حیدر کھوسو، جمعوں کھوسو کی شراب کی بھٹیوں پر کامیاب چھاپہ مار کاروائیوں کے دوران ، شراب فروش ملزمان علی بخش کھوسو، آصف کھوسو، علی حیدر کھوسو، جمعوں کھوسو فرار ہونے میں کامیاب، جبکہ ملزمان کے قبضے سے 9 ہزار 145 لیٹر دیسی شراب اور شراب کشید کرنے والاسامان اپنی تحویل میں لیکر مفرور ملزمان کی گرفتاری کے لیے پولیس مختلف مقامات پر چھاپے ماررہی ہے اس کے علاوہ ایس ایچ او سیٹلائٹ ٹاؤن نے متعلقہ تھانے کی حدود مینگو گارڈن نزد چونا فیکٹری پر کامیاب کاروائی کرتے ہوئے ملزم ندیم شیخ کو گرفتارکر کے ملزم کے قبضے سے 110 لیٹر دیسی شراب اور شراب کشید کرنے والے آلات بر آمد کر کے مقدمہ درج کرلیا۔