واشنگٹن (نوائے وقت رپورٹ) نیوزی لینڈ کی وزیراعظم جیسنڈا آرڈرن نے پاکستان کی سابق وزیراعظم بے نظیر بھٹو کو زبردست خراج عقیدت پیش کیا ہے۔ تقریب سے خطاب کرتے ہوئے کیوی وزیراعظم نے کہا کہ بے نظیر بھٹو کا دو چیزوں میں کوئی مقابلہ نہیں۔ تاریخ میں بے نظیر بھٹو کی یہ دو خصوصیات کبھی نہیں بدلیں گی۔ وہ ایک اسلامی ملک میں منتخب ہونے والی پہلی مسلمان خاتون وزیراعظم تھیں۔ دوسرا وہ اپنے دور میں ماں بننے والی پہلی  وزیراعظم تھیں۔ بطور وزیراعظم مجھے اپنے دور میں ماں بننے کا اعزاز ملا ۔ میری بیٹی کی پیدائش 21 جون 2018ء کو ہوئی تھی۔