خاران (نامہ نگار) یونیورسٹی آف بلوچستان کے پروفیسر ڈاکٹرغلام رزاق شاہوانی  نے  خاران کیمپس کا دورہ کیا اور خاران کیمپس کے کوآرڈینیٹر شاکر علی بلوچ سے ملاقات کی۔ اس موقع پر آفس سیکرٹری ریاض احمد نوتانی امان اللہ شاہ امانت حسرت بھی موجود تھے۔ ملاقات میں باہمی دلچسپی کے امور کی علاوہ خاران سمیت بلوچستان کے دورافتادہ علاقوں میں اعلی تعلیم کے فروغ کے لئے مختلف یونیورسٹیوں کے سب کیمپسز کی اہمیت وکردار پر تبادلہ خیال کرتے ہوئے انہوں نے اس بات پر اتفاق کیا بلوچستان میں سب کیمپسز کے قیام سے اعلی تعلیم کے فروغ میں مدد ملے گی ۔خاران کیمپس کی پانچ سالہ کارکردگی پر بریفنگ دیتے ہوئے  کوآرڈینیٹر شاکر علی بلوچ  نے کہا  کہ ڈاکٹر غلام رزاق شاہوانی کی قیادت میں خاران کیمپس کے فیکلٹی ممبران اور انتظامیہ اس ریجن میں اعلی تعلیم کے فروغ کے لئے اپنی تمام تر صلاحیتیں بروئے کار لا رہے ہیں۔