نیشنل گیمز: نیوی نے 9 گولڈ میڈلز کے ساتھ سیلنگ ایونٹ اپنے نام کرلیا

لاہور(سپورٹس رپورٹر)34ویں نیشنل گیمز کے سیلنگ مقابلے کراچی میں مکمل ہوگئے، نیوی نے 9 گولڈ میڈلز حاصل کرکے سیلنگ کا ایونٹ اپنے نام کرلیا۔نیوی کے سیلرز نے پہلے مرحلے میں تمام 7 گولڈ میڈلز جیتے تھے جبکہ دوسرے مرحلے میں 6 میں سے مزید 2 گولڈ میڈل اپنے نام کرتے ہوئے 13 میں سے 9 کیٹیگری کے گولڈ میڈل جیتے اور سیلنگ میں بالادستی ثابت کردی۔ نیوی نے 2 برانز میڈلز بھی حاصل کیے۔کے پی اور ایئر فورس مشترکہ طور پر دوسرے نمبر پر رہے۔ دونوں نے 2، 2 گولڈ میڈلز، 4، 4 سلور اور 2، 2 برانز میڈلز حاصل کیے۔آرمی نے 3 سلور اور 4 برانز، سندھ نے ایک سلور اور 2 برانز‘ پنجاب نے ایک سلور میڈل جبکہ بلوچستان نے ایک برانز میڈل حاصل کیا۔